Rehefa niharitra ireo fitsapana (FIFOHAZANA)

(Nalaina tao amin'ny tononkira.serasera.org)
Rehefa niharitra ireo fitsapana
Sy fisedrana mahamay
Ireo lalan-tsarotra nombana
Vita ihany izy izay
Fa tonga kosa ny ora fijinjana
Reo voa nafàfy hatrizay
Ny fînoana natao tsara tana
No nampitombon'ny Ray

Ireo taona maro nampangina
Vao maika koa nampifoha
Ka ny tendrom-po izay notsindriana
No nanondraka ny voa
He namafy teny an-tany tsara
Fa nisahirana nikarakara e !
Niasa tamin-kitsim-po
He namafy teny an-tany tsara
Ka nijinja voka-tsoa

Lalam-baovao izay migodana
No nodiavina izao
Nofenoinao fampanantenana
Sy fiainam-baovao
Fa indro tazana eto ilay kanana
Nampanantenainao ry Ray
Satry foana hihira fiderana
Mba hisaotra anao izahay

Réf: faly ny foko (faly e)
Te itroatra hiantso mafy hoe
Tsy navelanao ho irery aho
Hafa loatra Ianao ry Ray
Rain'ny finoako
Tsy namela ahy handre
Afa-tsy ny feon'ny fahendrena
Ka misaotra anao izahay
--------
Rohy:
Hametraka hevitra
Midira aloha
Momba ny hira
Mpihira : FIFOHAZANA
Vangy : 2066
Mpankafy : 0 Ankafizo
Nampiditra : rado6185
Daty : 02/01/2015 12:12
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0726