Ambila Lemaitso (Fanja Andriamanantena)

Tanàna kely iray, 'zay mahatamana anay
Tanàna kely iray, izay
Tanàna kely izay, ravarava indraindray
Raha sendra rivotra mahery

Réf : Tanàna kely iray, toerana nianaranay
         Nifankatia mandrak'izay
         Tanàna kely iray, misy ny tantaranay
         Tsiaro mamy mandrak'izay

Ny ranomasina mihasikasina
Miloko fitiavana
Ny tora-pasika 'zay midadasika
Toa mba natao hoanay irery

Réf.

Izay tanàn'izay no nahita indraindray
'reo adalana fanaonay
Mianatra mitia, mianatra mandihy
Mianatra mihirahira

Réf.

Nanjary havanay 'reo mponina ao tianay
Ka tsy misaraka aminay
Tanàna kely izay, ravarava indraindray
Raha sendra rivotra mahery

Réf.
--------