Ry Iarivoko (Fangia Kalo Gasy)

(Nalaina tao amin'ny tononkira.serasera.org)
Misoko mora anie,
Tsy hay tohaina ho'aho ny tsiaro anao ry Iarivoko!
Ny erinerin'i Manjakamiadana e
Tarafin-danitra madio sy manga,
Toa iry manangasanga!
Na dia tsy hita hotazanina
dia mbola tena mahamanina
Ny hanadino anao: Tsy ho vitako,
Na lavitra aza ianao, tsy hitako.
O ry Iarivo, tena mamiko e
Miorina aminao ny akaniko!

Mamoha tsiahy anie
ka mampanembona misaina anao ry Iarivoko!
Ny fidadasik'i Betsimitatatra
Toa hosodoko soa natao-Nahary
ka azo an-tsaina ho sary!
Na dia tsy hita hotazanina
dia mbola tena mahamanina
Ny hanadino anao: Tsy ho vitako,
Na lavitra aza ianao, tsy hitako.
O ry Iarivoko, ry akaniko e!
Mifangia ianao sy ny amiko!

Tonony sy feo: Ny R. Fidimanantsoa
--------
Rohy:
Hametraka hevitra
Midira aloha
Momba ny hira
Mpihira : Fangia Kalo Gasy
Vangy : 308
Mpankafy : 0 Ankafizo
Nampiditra : FangiaKaloGasy
Daty : 06/01/2023 05:50
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0798