Hihavana isika (Fangia Kalo Gasy)

(Nalaina tao amin'ny tononkira.serasera.org)
Hisy alahelo tsy ho afa-tomany e;
Hisy tomany tsy hilaozan-toreo ô;
Hisy toreo horontsonina ihany e,
raha ‘zaho no ho very
tsy ho havanareo.

Ny alahelo : tsy ho afa-tomany
Ny tomany tsy hilaozan-toreo
Ny toreo horontsonina ihany
Raha ‘zaho no tsy ho havanareo
Hisy ny helo eto an-tany reroy,
raha olona tiana … kanefa hafoy!

Hisy toloko hahaory tanàna e;
Hisy tanàna ho vonton-katsiaka ô;
Hisy ny hatsiaka tsy hisolo hafanana e
raha toa hifanary tsy hihavana isika.

Ny toloko hahaory tanàna
Ny tanàna ho vonton-katsiaka
Ny hatsiaka tsy hisolo hafanana
Raha toa tsy hihavana isika
Hisy ny helo eto an-tany reroy,
raha olona tiana … kanefa hafoy!

Hisy alahelo tsy ho afa-tomany ô
Hisy toreo horontsonina ihany ô
Hisy tanàna ho vonton-katsiaka e
raha toa hifanary tsy hihavana isika

A/C : Ny R. Fidimanantsoa
--------
Rohy:
Hametraka hevitra
Midira aloha
Momba ny hira
Mpihira : Fangia Kalo Gasy
Vangy : 323
Mpankafy : 0 Ankafizo
Nampiditra : FangiaKaloGasy
Daty : 06/01/2023 04:50
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0778