Tsy afa-bela (Erick Manana)

Mba aiza izay ilay havako
Fa elaela tsy tazako
Manitikitika te hifoha
Ilay fitiavako taloha

Mivezika etsy sy eroa
Tsy mety fa voa maika koa
Nivato-fantsika lalina ao am-po ny alaheloko
Fa nilaozanao mbola tia anie aho
Ka izay no tsy teliko

Matsatsotsatso avokoa
Izay rehetra hitako
Masoandro iny aza halako
Izay jerena mahavaky fo

Fa n’aiza n’aiza halehako
Izay misy ahy misy anao koa
Toa mila kisa amiko izao rehetra izao
Fa mampatsiahy ahy anao
Tsy afa-bela aminao lala ô
No mahatonga ahy toy izao

Tsy afa-bela aminao
Hatrizay ka hatrizao
Mbola ity mitady anao
Manavinavy lasa izao
Tsy afa-bela aminao
Hatrizay ka hatrizao

Raha sendra misy ambiny
Dia mba hamelaho aho fitia
Na sisa latsaka an-dovia
Dia ataoko ho ampy ahy satria
Tsy afa-bela aminao
Hatrizay ka hatrizao...

Poopy sy Erick Manana
--------