Liar (Ayam)

Miandry antso isan'andro
Mila vaniny amin'ny tsy antony
Mitomany aho tato ato
Malahelo aho, tsy aiko hoe maninona
Mandinin-tena aho dia nahatsapa
Fa kay ny foko ao mbola feno ratra
Ka androany aho manao azafady
Raha nahatofoka anao ireo

"Aiza ianao ? Iza no eo ankaikinao ? Tena tia ahy ve ianao ?"
Izany foana no nanontaniako
Satria tsy mahatoky tena aho…
"Aok'izay aleo misaraka,
Fa tsy tiako ny ataonao,
Tsy ampy ahy ny fitiavanao"
Mody izany foana no hany mba nolazaiko
Satria matahotra ilaozana aho…
Dia aleoko izaho foana no mandeha

Mora tezitra sy tsy mazaka
Rehefa ianao ilay mba misangisangy iny
Saropiaro toa tsy tana
Tsy mety mino rehefa toriana fitia
Nandin-tena aho dia nahatsapa
Fa kay ny foko mbola feno ratra
Ka androany aho manao azafady
Raha nahatofoka anao ireo

"Aiza ianao ? Iza no eo ankaikinao ? Tena tia ahy ve ianao ?"
Izany foana no nanontaniako
Satria tsy mahatoky tena aho…
"Aok'izay aleo misaraka,
Fa tsy tiako ny ataonao,
Tsy ampy ahy ny fitiavanao"
Mody izany foana no hany mba nolazaiko
Satria matahotra ilaozana aho…
Dia aleoko izaho foana no mandeha

Aiko fa tofoka ianao,
Na izaho tsy ianao ary efa ela aho no dila,
Iza moa no hitazona ahy
Raha izao foana no ataoko hirahira ?

"Aiza ianao ? Iza no eo ankaikinao ? Tena tia ahy ve ianao ?"
Izany foana no nanontaniako
Satria tsy mahatoky tena aho…
"Aok'izay aleo misaraka,
Fa tsy tiako ny ataonao,
Tsy ampy hay ny fitiavanao"
Mody izany foana no hany mba nolazaiko
Satria matahotra ilaozanao aho…
Dia aleoko izaho foana no mandeha

Izaho foana no mandeha
Aleoko izaho foana no mandeha
Aleoko izaho foana
--------