Farakely (Tovo Andrianandraina)

Rila ô ! rila ô
Manina an’i Farakely aho ’zany ho aho
Rila ô ! rila ô
Manina an’i Farakely aho ’zany ho aho
Tsy matiko lolo, tsy matiko lolo
Manina an’i Farakely aho ’zany ho aho
Tsy matiko lolo, tsy matiko lolo
Manina an’i Farakely aho ’zany ho aho

Vavy tokana i Farakely
Vavy tokana be mpaniry
Ny fijorony hafakely
Ny fitsikiny mahaliana
Volo lava sy tena ngaly
Bika tsotra maha te ho tia
Raha ’nareo no mahita azy
---
Rila ô !

Toa voahirana anaty rano
Ny fitiavan’i Farakely
Hirobohana lalin-daotra
Hilomanosana toa marivo
Be dia be no mitsiriritra
Fa ny rano tsy mety ritra
Raha mba misy aza sahisahy
---
Rila ô !

Eo ailan’ny tranonay
Eo ny tranon’i Farakely
’zay mandalo eo hatrizay
tsy maintsy miherika sy mijery
misy gina mitampimbava
ao koa ny mirediredy
nefa ireny rehetra ireny
----
Lahy ô !

Eraha ny tenako no lazaina
Dia taraiky amin’i Farakely
Izy anefa tsy hantenaina
Fa mahay mampifilafila
Raha anilany falifaly
Vao hilaozany manina azy
K’asa lahy izay hiafarany
---
Lahy ô !
--------