Saingy Tiana (Rebika)

Raha mba naniry ny hiaraka aminao aho
Nolavinao toa tsy tiana e
Raha niangavy ny ho eo anilanao
Natosikao sy nariana e.

          Niandry masoandro eny atsinana aho
          Hitondra hafaliana ho ahy
          Sendra ny volana somambisamby
          Vao mainka nandratra fanahy.

Fiv:
Tia aho, tia aho,eny tia anao
aza ariana e, aza ariana e
Mbola miandry anao.

’Lay taratasy tsisy valiny
Nodorana sa natao aiza e
Ilay fitiavana natao an-kilabao
Niandrandra anao hatrizay e.

          Anisan’ny mba tena tiana ianao
          Dia nahavita izao
          Tsy sasatra aho ny mba miangavy aminao
          Tsy sasatry ny miantsoantso anao.

Fiv:
Tia aho, tia aho,eny tianao
aza ariana e, aza ariana e
Mbola miandry anao.
--------