Matoa aho nitady anao (Ny Voanio)

Matoa aho nitady anao satria
Tsaroako tanatiko tao
Ilay foko nitempo fitia
Hery tsy haiko resena
Sento sy embona koa
Ny atin’ny fo raha jerena
Dia tokana mba te ho roa

Nanavaka anao tao anatin’ny maro
Nitady anao eram-bazan-tany
Saika tsy nahita nefa kanjo tazako ianao
Ary tsapako tamin’izay fa tanteraka ny nofiko


Matoa aho nifidy anao satria
Ilay endrika sy bikanao
Dia nambabo ilay foko efa tia
Tsy fantatro izay ho ao aoriana
Sy mety ho vokatri’zany
Ny foko dia feno hafaliana satria tiako ianao

Nanavaka anao tao anatin’ny maro
Nitady anao eram-bazan-tany
Saika tsy nahita nefa kanjo tazako ianao
Ary tsapako tamin’izay fa tanteraka ny nofiko
--------