Davikely sy Gôlibe (Ifanihy)

Mh!mh!mh!
Tenieràna fa raikitra amin'izay ô,ka hiroso amin'ny gidragidra
Izy roalahy, hanao iray sy iray,dia i Gôliata sy Davida
I Davida moa ilay mpiandry ondry, izay tsara fanahy sy bôgôsy be
Tsy nivaky loha hianatra komondry,na mba hoe hanao karaté, na mba hoe hanao karaté !

Valiha marovàna no mba filalaony, teny an-tsaha rehetra teny
Vazo fideràna,io no mba fanaony, mba filinina reveny
Hoentina miady, satria ilay Ray Mpamonjy no efa nitokiany isan'andro vaky
Ka antsamotady sy vato kilonjy, no fiadiany ho solona kalaky,no fiadiany ho solona kalaky !

Mh!mh!mh!
F'ilay adivà dia marasily, bokon'hozatra aok'izany
Ka na foloalindahy na ireo sivily dia raikitahotra avy hatrany
I Davikely anefa, ilay gaban'artista mody kelikely nefa tsaratsara
Tsy nandeha nilefa fa nahasahy nirisika ka namely tsy an-kisalasala, ka namely tsy an-kisalasala
I Gôliata moa raha vao niala avy any dia voatsenan'ny kilonjy
Vaky be ny loha ary nitomany nefa indrisy tsy voavonjy
Maty i Gôlibe ka lasa nodimandry , bokon'hozatra izy nefa dia K.O
Ka tandremo anie ilay manao be sandry ,ô rankizy tia an'i Jesoa,ô rankizy tia an'i Jesoa !
Mh!mh!mh!
--------