raha maty aho (Feo Gasy)

Raha ho avy ralala ny taona hodiako
Ao ambanin’ny tany tsindrian-drangolay
Ka vato no solon-kidoro hatoriako
Dia izao re no zavatra ataonao ahy


Voleo vonin-kazo eo an-dohan’ny fasako
Fotsy sy mavo ary manga sy mena
Aloe haniry eo mandram-pifohako
Mba hanofisako ‘lay fanekena

Ny fotsy fahadiovana
Misy aminao tsy mba azo lotoina
Toy ny orim-bato ‘zay nifanaovana
Soratra velona tsy azo vonoina

Ny endriny mavo ny fofony manitra
Dia fivavahana ataoko any an-danitra
Mba hitsinjovany anao tsy ho irery
Ombany raha sendra tsy misy mpijery

Ny manga ho mariky ny fihafiana ô
Niaraha nihritra zava-mangidy
D’ilay andro namoizan’ilay hafaliana
Niarahaniaritra zava-tsy fidiny

Ny mena ho mariky ny afo tsy maty
Mirehitra lava ao anatin’ny foko
Io ‘lay fitia, fitia tena anaty
Fitia voa-kasey sy ho voatomboka loko

Ny fasako ataovy ao an-drefan-tanàna
Ataovy mikasika ny laka mory
Soraty eo ny tenin’ny fanantenana
Tsy maty aho akory fa mbola matory

Eo amorondranon’ny be volotara
Jerijereo f’aza avela ho maina
Tarafo eo aho fa ho tsinjonao tsara
Tsy miala eo aho raha tsy efa maraina

Na dia maty aza anie zany tenako be
Ka hiraraka an-tany ny rà ao am-poko
Ny fitiavako anao ka mipetraka anie
Tsy mba ho maty ary tsy mba ho lo
--------