Nisarika ahy (Tovo J'Hay)

Tsy fanahy iniako fa dia tonga ho azy
Ilay tsikitsiky sy ny vazivazy
Toa misy zavatra misarika ahy
Mahatonga ahy ho sahisahy

Mitombo indroa ny fidobiky ny fo
Mihazakazaka tsy tanako
Tsy te ahalala izay hitranga avy eo
Sy ny zavatra mety hiseho

Fa dia nanantona ahy,
Fa mahafinaritra ahy

Ny Endrika, Ny haingo,  Bika lafatra
Izaho aloha mba nankafy
Fa tena kanto ery,
Mba omeo iray minitra
Izay mba fonao omenao ahy

Efa mitsotra anie ny tanako
Ka mba raiso re rahavako
Aza avelanao ho lasa adala
Ka manao mody tsy te ahalala.

Tsy aiko aloha izay tokony ho atao
Izay mety rehetra hambaboako anao
Toa nilatsaha-baratra avy hatrany
Nahita anjely latsaka an-tany

Fa dia nanantona ahy,
Fa mahafinaritra

Ny toetra angamba mino aho fa hifanojo,
tsy fantatro fa mbola visavisa fotsiny ihany
Raha ny ahavesatry ny tady sy ny rojo
Tsy mitovy aloa fa aleoko manontany
Sao ny an-koditra no volamena
Fa any anaty mampanongo tena
Sao ratsy fanahy, lasa mampiahiahy,

Fa dia nanantona ahy,
Fa mahafinaritra ahy
--------