Tsy ho Tia daholo (Poopy)

MIFALIA
Mifalia, dia ataovy ampy  anao
Ireo izay tia, ka mankamamy anao
Mifalia dia hatanjao ny fo
F’ireo tsy tia, tsy maintsy misy koa avy eo ivoho

Mifalia, aza atao mahagaga anao
Ireo tsy tia, fa izy koa toa anao
Mba misy tsy tia, na dia mody tsy mahalala
Toy izany akia, hatrany ampiandohana

Indraindray ianao, tsy mahalala
Izay mety ho antony, ankahalany
Indraindray koa,toa mba variana
Raha tena tiany ianao , tsy hay oe nahoana !

Mifalia, dia ataovy ampy  anao
Ireo izay tia, ka mankamamy anao
Mifalia, dia ataovy izay tsy ialany
Ireo izay tia, ho tia hatrany hatrany

Raha tsy misy tonga lafatra aza
Mifalia, rehefa misy tia
Fa ny tsara indrindra rehefa voalaza
Ilay fitia, dia mahasambatra ery

Fa tsy misy na iray iany aza
Tena tia an’izao tontolo izao
Ilay Avo indrindra, avy any ambony aza
Misy tsy tia, sy be mpanenjika ery

Mifalia, ataovy ampy  anao
Ireo ‘zay tia, omeo fitia avy aminao
Mifalia, ataovy ampy ho anao
Ireo ‘zay tia omeo ny mamy avy aminao

Nananana… nananana …nananana…
--------