NAHOANA NO MISY ? (Ludger Andrianjaka)

Nahoana no misy ny lanitra manga ?
Hilalaovan’ny rahona manangasanga
Nahoana no misy ny alina tony ?
Hamirapiratan’ ny volan’ eny ambony
Nahoana, nahoana ny tany no feno hoso-doko ?
Ravahin-tsahondra sy felan’avoko
Nahoana no misy ny rano an’ony ?
Nahoana no misy ny hazo mamony ?

Raha fantatrao ny mampisy azy ireny
Kalo mangina fa tsy mba miteny
Bitsika moana sy hira miloko
Sary mivaingana atao rindram-peo
Raha fantatrao ny mampisy an’ireo
Dia ho fantatrao,
Ho fantatrao ny antsan’ ny foko.

Ludger - Jeanne Naly
--------