MISY FARANY (Ludger Andrianjaka)

(Nalaina tao amin'ny tononkira.serasera.org)
Ny zavatra hatomboka rehetra
Dia hifarana hatreo amin’ ny fetra
Efa fantatrao, f’izay niandoha
Dia mbola hisy farany koa

Ny mateza dia tsy misy firy
Fa na misy aza, angamba dia kiry
Ny endrika sy bika soa
Dia samy ho simba avokoa
Na tanjaka na hery
Dia mihena ary koa mihavery
Satria, raha tonga amin’ ny fetra
Dia hifarana toy ny rehetra

Na ireo hira, na ny feo manga
Tsy hisalasala fa angamba
Rehefa lany ny tsirony mamy
Dia ho adino indray andro any
Hembonembona sisa hampitsetra
Hisolo hafa toy ny rehetra

Na rano mandeha eny an’ony
Ireo voninkazo mamony
Ny vorona, mikalokalo
Tsy hitoetra ao, fa samy handalo
Handao toy ny zava-drehetra
Rehefa tonga ny andro voafetra
Tamin’ ny andro, ny volan-tantely
Dia hifarana tsikelikely
Satria angamba izay niandohana
ka tsy maintsy hifarana ihany.

Mpihira : Ludger - Jeanne NaIy
--------
Rohy:
Hametraka hevitra
Midira aloha
Momba ny hira
Mpihira : Ludger Andrianjaka
Vangy : 6664
Mpankafy : 0 Ankafizo
Nampiditra : Désiré Dauphin Rasolomampionona
Daty : 16/09/2004 08:58
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0743