LOVA (HERY J.)

LOVA

Ny tsindrihazolena tsy zava-baovao a
Ka henoy ’zao ambarako anao a
F’ireo razantsika ’zay niaina taloha ô
Dia voazanaka sy niankin-doha a

Fa na diso izy ireo na marina
Marobe izy ireo no nozarina
Hankato tsy navela hiarina e e e e
Nodradraina fa ny hafa no tsara e
Fa ny fombantsika dia voarara e
Zay no lovan’ny dimby sy fara e

Raha mahatsiaro an’izany aho letsy a
Dia mba lasa fisainana e
Fa nahoana no maro ny fetsy a
Ka mandoto ny fiainana e
Fa ny soa sy ny tsara mazàna ô
Dia voahosy any an-tatatra e
Herin-tsandry na fanambakàna ô
No mandidy manapaka e e e

Ny ankehitriny dia mbola tsy niova ô
Fa nipetraka izany ho lova a
Fa mora manaiky sy feno halemena ô
Zay mangina hono volamena a

Fahendrena no fototr’izany e
Nefa saino sy diniho ihany e
Ilay tena fihodin’ny tany e e e eny ô
F’efa maro ny mpanararaotra ô
Mampiresaka hoe hampivoatra e
Fa ny ataony tsy dia izany loatra e

Ka mba dinidiniho re ry dada ô
Izahao vahaolana e
Marobe ‘reo akoho sadasada ô
Ilàna famotorana e
Ka ny efa nandratra ranaotra ô
Ialao sao handavo e
Raha indraindray ianao mba mitroatra ô
Angamba tsy ho tsiny amin’ny Avo (x4)
--------