Tsy misy ny doria (Mahaleo)

Mpihira : Mahaleo
Mpamaky : 2866
Nampidirin'i :
Tamin'ny : 17/03/2007 16:15:19
ID : 4297

Hiara-hiaina ny andro androany
ho toa ny andro farany
hiara-higoka izay mety ho mamy
mandramampe ny tarany

ny maso hikipy tsy hahita
ho tapitra ny fofon’ aina
ho hanenenana izay tsy vita
fa ny ankoatra izay tsy hilaina

satria ny vintana sy anjara
no mamaritra ny dia
rampitso ny lalantsika mety hizara
satria tsy misy ny ho doria

rampitso fanotaniana
mety ho vatana mangatsiaka
ande higoka izay mety ho tiana
eny masoandro mibaliaka

isaky ny andro izay mifoha
mety ho farany ho tadidy
ataovy andro feno soa
ho fataperana

satria ny vintana sy anjara
no mamaritra ny dia
rampitso ny lalantsika mety hizara
satria tsy misy ny doria