Iray minitra monja (Ossy)

Ny iray minitra monja tsy eo anilanao toy ny zato taona
Ny alina ao amponja raha eo anilao manjary lohataona
Ny tebitebin-tsaiko lavitra anao tsy zakako lanjaina
Izany re ry Aiko, tsapako hatrizay ka sahiko lazaina

Iny lanitra iny homeko anao
Iny volana iny hataonao kilalao
Tsy ho ekeko intsony hatrizao
Ny ho velona tsy eo anilao
Fa amiko ... izao tontolo izao ianao ...

Ny iray minitra monja tsy eo anilanao toy ny zato taona
Ny alina ao amponja raha eo anilao manjary lohataona
Ny tebitebin-tsaiko lavitra anao tsy zakako lanjaina
Izany re ry Aiko, tsapako hatrizay ka sahiko lazaina

Mamiko ka mamiko ny hiaraka aminao
Sahiko ka sahiko ny hanao izay sitrakao
Any fa ny tanindrazanao no hanjary ho tanindrazako
Ka ny fasana hilevenanao ... no ekeko ho fasandrazana
--------