Bô e! (Lolo sy ny tariny)

Vao maraina mbola maizina
Ny ilany atsinanana
Renoky ny tory mbola tsara nofy
Ny olo-manana!
Injany feo kodiaran-tsarety
(Tsy andavanandro)2 tsy andro fety


   Fa mitetitety an’Antananarivo
   Mivarobarotra ny Saribaon’Antananarivo
   (Bô e!)3 vao maraina
   (Bô e!)3 rehefa hariva


Mbola fahoriana isan’andro
Ny mitady ny entina mahandro
Nefa marobe izao
Ny olona mijaly toa anao
Miady lava foana


   Mbola fahoriana ho azy
   Ny mamonjy ny akany
   Hiaritra hihaino indray
   Ireto ankizy mitomany
   (Noana aho)3 vao maraina
   (Noana aho)3 rehefa hariva


Mijalijaly foana ny ankizy
Ny fiainana mihalafo izay tsy izy
Noana anefa atao ahoana moa?
Ny hofan’ny Sarety tsy voaloa
Trosa lava foana


   Tompon’ny Sarety tsy nanaiky
   Fa nandeha nitory
   Tany ampigadrana ny ampitso
   Izy no natory
   (Vohay aho)3 vao maraina
   (Vohay aho)3 rehefa hariva


Hanky vare ny fahantrana
Ka afaka mitondra am-pigadrana
Izy ange tsy nanampo izany
Fa resin’ny fiainana eto antany
Resy lava foana


   Vao maraina mbola maizina
   Ny ilany atsinanana
   Renoky ny tory mbola tsara nofy
   Ny olo-manana
   (Mandry)3 ny tanàna
   Ilay mpikotaba vao maraina
   Mantsy no voatana
--------