TSY ALEO VE MBA MIFANKATIA (Voahangy)

Efa voasoratra f’isika izao
Tsy haharitra ety fa tsy maintsy handao
Miserana ihany ka tsy ho fantatrao
Ny ora izay iantsoana anao

Tsy azo ivalozana izay ora izay
Tsy safidintsika no atao f’AZY Ray
Novolavolainy fa vovoka ianao
Vovoka no hiverenanao

Miomana dieny izao ianao
Miomana fa tsy ho fantatrao
Saintsaino ihany izay tokony atao
Aza manjehy ny andro lava toy izao e!

Miverina (Efa voasoratra fa ...)

Raha misy hadisoako natao taminao
Ndao hifamelana aza to fo toy izao
Raiso ny tanako hifonana anie
Izay ratsy vita aoka re

Mpivahiny isika mandalo no ety
Ny fo vatonao ve dia tena minia
Tsy te hahalala ka tsy hamindra fo
Dia tena tsy hamela tokoa

Raha ho avy ilay ora handaozako anao
F’izany no andrasana ety
Dia izay ve no vita vao ho tsapanao
Fa naleo ihany nifankatia

Efa voasoratra f’isika izao
Tsy haharitra ety fa tsy maintsy handao
Raha ho faty ihany tsy aleo dieny ety
TSY ALEO VE MBA MIFANKATIA....

TSY NALEO VE MBA NIFANKATIA.....

Mpihira sy Namorona : VOAHANGY
--------