Vonon-kanaraka Anao (Trompetra Fanantenana FLM Toby Fanantenana 67 HA)

(Nalaina tao amin'ny tononkira.serasera.org)
Be ireo fahotana tsy tambo isaina intsony
Ny alahelo manaraka ihany
Tapa-kevitra anefa, tsy hiverin-dalana ho any
Fa ny androko sisa ao aorina topazako maso
Mino aho fa miandry ahy Hianao
Miandry ahy tokoa, tokoa
Izaho ilay ondry nania niverina indray
Ampy ho ahy mandrakizay ry Jesosy o, ny famindram-ponao
Mirana endrika feno harovoana ny aiko

Fiv: Mifaly sy mihoby ankehitriny
Izaho ilay efa very tafaverina indray
Mihira hosana amin’ilay fiderana
Hoy aho hoe: Vonon-kanaraka Anao aho anio mandrakizay

Tsy mba nihevitra akory izay fiafarako eto an-tany
Fa vao maika misosoka ihany
Tsy nahita ny soa, tsy tonga ary dia efa voa
Tsy nahay nisafidy ny lalana izay hiantefana
Manantena aho ry Tompo ô,tsy handa ahy Hianao
Hanafaka ahy amin’ny fahotako rehetra
Fiainana sambatra tsy manam-petra no hovantaniko ao
‘Zay re no fanantenana ao an-tsaiko hatrizao

Fiv: (Mifaly sy mihoby ankehitriny
Izaho ilay efa very tafaverina indray
Mihira hosana amin’ilay fiderana
Hoy aho hoe: Vonon-kanaraka Anao aho anio mandrakizay)×2

(Hoy aho hoe: Vonon-kanaraka Anao aho anio mandrakizay)×2
--------
Rohy:
Hametraka hevitra
Midira aloha
Momba ny hira
Mpihira : Trompetra Fanantenana FLM Toby Fanantenana 67 HA
Vangy : 19
Mpankafy : 0 Ankafizo
Nampiditra : Njaranjara
Daty : 13/03/2025 08:16
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2025 - page load 0.0844