Ambarako aminao (Trompetra Fanantenana FLM Toby Fanantenana 67 HA)

Ambarako aminao
Ambarako aminao Jesosy Tompo tsara ô
Fa ny fiainanay ety, misari-pahafatesana
Indrisy mahonena
Tsisy fifaliana tsisy fiadanana
O! Fiainana manahiram-pisainana

Jereo fa mahita angano
Mahantra ny firenena
Ny sampy sy ody maro no indro mba itokiany
Tsy fantany tsotra izao ny teny izay fikasana
Mahantra ny firenena, mahantra izy ireo Jeso

Ka ambarako aminao
Ambarako aminao Jesosy Tompo tsara ô
Fa ny fiainanay ety, misari-pahafatesana
Indrisy mahonena
Tsisy fifaliana tsisy fiadanana
O! Fiainana manahiram-pisainana

Jereo ny madinikao
Jereo reo fa mitomany
Iangarana lava izao, voahosy hatrany hatrany
Indrisy mijaly mafy, voatsindry ny hazo lena
Mahantra ny firenena, mahantra izy ireo Jeso

Ka ambarako aminao
Ambarako aminao Jesosy be fitia o
Fa ny fiainanay ety dia feno hetraketraka
Indrisy mahonena
Feno fahoriana tsisy fahamarinana
O! Fiainana manahiram-pisainana

Ekena fa tena maro
Ireo mody izay mino Anao
Kanefa ny tena lainga no ankamamin'ny fony
Indrisy fa hamavoiny ny ran'ilay zanak'ondry
Mahantra ny firenena, mahantra izy ireo Jeso

Ka ambarako aminao
Ambarako aminao Jesosy Tompo soa o
Fa ny fiainanay ity dia feno havonavona
Indrisy mahonena
Feno haratsiana feno fialonana
O!Fiainana manahiram-pisainana

Raha tonga ilay fotoana
Fotoana izay fijinjana
Iriko Ianao ry Tompo hitantana ny fanahy
Iriko hisolo vava hamela ny fahotana
Iriko hanafaka ahy, iriko tokoa tokoa

Ambarako aminao
Ambarako aminao Fanahy Mpanazava o
Fa ny fiainanay ety irinay ho vaovao
Ho marina tokoa ho masina tokoa
Ho fiainana sambatra
Ho fiainana hanjakan'ny fitiavanao
--------