Tsara hiafarana (Rija Ramanantoanina)

Miriorio foana ny angidina
Tsy mankaiza tsy akory
F’izay no fombany
Misavoamboana dia midina
Ka mianjera any an-kady rehetra any

Vola no mahabe rehareha
Ka mazàna jamba ny maso
Voatampin’io
Nefa ny mibirioka fandeha
Zohin-tsiny lava, ka tsy mba mandeha

REFRAIN:
Kendreo izay ataonao
Saino, lanjalanjao
Mandalo ihany izao rehetra izao
Fidio ny mba ho soa
Nefa tandremo koa
Sao diso aoriana ka voa

Harena sy voninahitra
Rendrarendra tsy hita hivalaparana
Fa mbola hafa maharitra
Ny fitiavana tsara hiafarana

REFRAIN (miverina)
Kendreo izay ataonao
Saino, lanjalanjao
Mandalo ihany izao rehetra izao
Fidio ny mba ho soa
Nefa tandremo koa
Sao diso aoriana ka voa


---
--------