Mpivady foana (RABL)

Nandinika aho omaly hariva
Nandinika ny fiainantsika
Ny lasa sy ny ankehitriny
Natsiaro ireo fifaliana
Nifangaro androm-pihafiana
Niarahako aminao ry tiana
N’inona mafy anoloana
Ianao teo anilako foana
Nanampy ahy impiry impiry
Reo vavan’olona tsy tia
Mitady hisompatra ny dia
Nanjary ho hery mankadiry

Raha toa hivadika ny taona
Hivadibadika eny foana
Isika roa tsy hifandao
Fa toy izao anio izao
Hijanona ho mpivady foana
Ka na hivadika ny taona
Hivadibadika eny foana
Isika roa tsy hifandao
Fa toy izao anio izao
Hijanona ho mpivady foana

Raha mbola misy azoko atao
Entiko am-pifaliana anao
Handravaka ny fiainantsika
‘Reo orokoroka fanao
‘Reo sangisangy sy lalao
Ho endriky ny ho avintsika
--------