Mananjary (Feo Gasy)

Mianatsimo miantsinananana
No fizotran’ity lalana
Ho any Mananjary aho re’ory o !
F’izao vohitra ao izao
No namoizako anao
Ry ilay Iarivo tsy foy o !
Mbola teny antsasa-dalana
Dia nirotsaka mahalana
’Lay erikerika kely
Fambara fa vonon-kandray
Na dia efa hariva aza izahay.

Dia natao ho an’ireo mpiala sasatra ve ?
ô ô ô !
Dia natao ho an’ireo olon-dresy kosa ve ?
Asanao, asanao, asanao !

Kanjo nony harivariva
Ny masoandro efa iva
Io Mananjary fa hita ô !
Toa ampela tsisy tsiny
Mihaingo hariva handray vahiny
Sy miarahaba fa tafita ô !
Alokaloka voanio
Rivo-tsoa sy madio
Mampanadino an’Iarivo
Ilay fahanginany koa
Tsy manampaharoa tokoa

Dia natao ho an’ireo mpiala sasatra ve ?
ô ô ô !
Dia natao ho an’ireo olon-dresy kosa ve ?
Asanao, asanao, asanao !

Ho any Mananjary aho re’roy ô ! (4)
C/A - RAKOTOMAVO Gabriel na DadaGaby - Tarika Voninavoko
--------