Mba te-hiantefa (Bessa)

Mba te hiantefa ao am-ponao
’Zao vetsovetsom-poko rehetra izao
Mba te hikiky ’zay ratra tao
Ny fitiavako nandao anao

Tsaroako anefa, fa nofy izany
Fa fitiavana efa ritra na tsy nisy
Nianjonanao ’ty fo tomany
Masoandro vao nitranga teo dia dify.

Fanantenana am-pitsiriana
Ny haniriany aza tany maina
Ka ratra, eso tsy fohy ariana
Hamelana izy dia hotazako.

Mba te ho maina reo maso mando
Toloranao fitiavana indray
Mba te ho tony, eny isan’andro
Hianoka fitia mandrakizay.

Tsaroako anefa, ho mafy izany
Tsy ho ketraka aho
Fa hanantena anao hantrany ;
Izay milefa dia aleo ho any
Na sarotra aza manantena ihany
--------