neny fireneko (ankalazao ny tompo)

(Nalaina tao amin'ny tononkira.serasera.org)
Jereo ny akanjony toa voronkitsay.
Dia izao ve no fitafy nomena anao, ry Neny o?
Sanatria mivarilavo, nisotro ny hanadino,
Tsy mahatsiaro ny zo sy hasina maha-olona.

Jereo ny ankizy fa mahonena,
Fa isan’andro tsy kitay tsy vary maina, ry Neny o!
Sanatria zaza sary, tsy manan-dray mpiahy.
ny hoavy tsy hay banjinina fa ny anio ihany.

Fiverenana:
Mitsangana ianao, o ry Neny fireneko,
Mitsangana ianao, meteza ho areniko.
Amboary ny bikanao, diovy ny lambanao
Etsy ho bangoiko ity misarakorako.
Fa nahoana ianao no tofoka sahady?
Tsy nahatanty ve, noresana lazon’ady?
Andao alao hery, miarena ianao ry Neny.
Indreo ny sandriko ianteheranao ...
Neny o, ry Neny o ... fireneko.

Fahiny fahagola niadana isika.
Isan’andro hafaliana niombonana, ry Neny o!
Fa nidiran’angano ny tokantranontsika,
Fandrobana no manjaka, sy fitiavan-tena.

Mifohaza ry Neny sao ilaozan’ny toetr’andro
Havaozy ny hery anaty, na hatanoranao, ry Neny o!
Ivereno dieny izao ilay endrikao fahiny:
Andriambavy sahisahy, filamatr’ireo zanany.
--------
Rohy:
Hametraka hevitra
Midira aloha
Momba ny hira
Mpihira : ankalazao ny tompo
Vangy : 3264
Mpankafy : 0 Ankafizo
Nampiditra : pissoa
Daty : 08/09/2005 19:02
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1335