Ilay vato mandry (Alalà Telo Trio)

Ilay vato mandry amoron-drano
Ny tarany no mandihy ambony rano
Safoin-drivotra monja
Rano mikoriana
Mamelona azy

Fantany ve f’eo akaikiny eo ihany
Maso roa mankafý an’izany
Tsapany ve tsy lavitra f’eo ihany
Adala iray mihetsi-po noho izany

Ilay vato mandry amoron-drano
Ny lokony indro miova raha dila ny andro
Tsiokan-drivotra monja
Rano mihira mandrotsy azy

Fantany ve f’eo akaikiny eo ihany
Sofina roa mahare an’izany
Tsapany ve tsy lavitra f’eo ihany
Adala iray resin-tory toa azy
--------