You are here: home > Tononkira > Voahangy

Efa tara (Voahangy)

Nivoady izy fa hanaja sy hitia anao
Ninia nikipy raha nahita ireo ditranao
Nivavabavaka isan’andro hampiova ny fonao
Nandefitra sy mbola tia
Sao dia mba ho tsapanao.

Tsaroany ireny andro hariva niandrasany anao
Ireo alina izay nangatsiaka, irery izy izao
Nangasihasy toy ny very izy raha nilaozanao
Nekeny anefa rehefa izay no fahasambaranao

  Nefa ankehitriny ve
  Vao tonga ianao
  Nefa ankehitriny ve
  Vao tsapanao
  Ny fijaliana izay nentiny
  Nitia, niandry, nandefitra hatrizay.

Diso aoriana nefa hono
Vao tonga ianao
Efa voafafa sy Tsiky dia ampyvoasolo ny anaranao
Tsy mora ny hoe nanadino
Ny tsiahy napetrakao
Nefa sitram-panafody ihany
Ilay ratra mbola vao

Diso aoriana nefa hono
Izato antsonao
Toerana efa voasolo no vantaninao
Nahay namboatra saina mantsy
Ilay nilaozanao
Efa mba manolatra ilay fery izay navelanao.

    Nefa ankehitry ve
    Vao tonga ianao
    Nefa ankehitriny ve
    Vao tsapanao
    Ny fijaliana nentiny
    Nitia, niandry, nandefitra

    Nefa ankehitriny ve
    Vao ilainao
    Nefa ankehitriny ve
    Tadiavinao
    Ilay nitia ’zay natosikao
    Efa tara hoy aho vao folaka ianao.

Hametraka hevitra

Midira aloha

Mpihira : Voahangy
Mpamaky : 4229
Mpakafy : 0 Ankafizo
Nampidirin'i : Booboo
Tamin'ny : 19/03/2005 08:59:51
ID : 3017

Tondrom-peo

Hampiditra tondrompeo