Teny sambatra (Tovo J'Hay)

(Nalaina tao amin'ny tononkira.serasera.org)
Tovo J’Hay :
Sambatra ianao avy eo sambatra aho
Rehefa tafaray izaho sy ianao
Hitondra ny fiainana iray vaovao
Natokako irery ho anao
    
    Avo be ka tsy takatro
     Ireo kintana homeko anao
     Fa todiko foana na dia eny ianao
     Hamiratra ho ahy manontolo

(Fa ho ahy tiako ho ahy irery ianao
Hiadana sy ho finaritra aho
Hitan’ny ambanin’ny lanitra) X 2


Joy K:
Ianao irery no nilaiko
Ianao ilay nofinidy
Nahay Nandamindamina ny saiko
Diamondra sarobidy.

    (Raha misy ny hadalàko
    Olombelona tokoa
    Aoka re mba hofafàko
    Dia hovaiko ho zava-tsoa.) X 2


Tovo J’Hay & Joy K :
Izahay ho avy aminareo androany
Fa hisinda indray ny tomany
Ilay fo hibitaka angamba tsy ho tana
Tonga izahay hanome hafanana

    (Tsy mbola niova hatrizay
    Ilay fitia izay nomena anay
    Fa vao maika hitombo vaika
    Ilay fidoboky ny fo ho iray) X 2

Joy K :
Ny tambitamby izay fanao
Horokoroka fahiny
Raha mety re ianao
Averiko eto ankehitriny.
Ny bedibedy izay tsy tanty
Izay nandreraka ny loha
Tsy ataoko intsony mandra-maty
Izao dia izao aho dia hiova fo.


                                                                                    (Tiako be ny mpihira !)
--------
Rohy:
Hametraka hevitra
Midira aloha
Momba ny hira
Mpihira : Tovo J'Hay
Vangy : 4464
Mpankafy : 0 Ankafizo
Nampiditra : oullias
Daty : 14/02/2004 03:58
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0745