Te mba ho... (Tovo J'Hay)

Misy fitiavana tsy haiko lazaina
Reko mitempo reko miaina
Ao anatiko ao misy feo mitalaho
Mitaraina miantso anao.

Toa manery toa mila tsy ho tanty
Ilay vetso-po izay miery ao anaty
Tsy mba mionona nefa tsy hay kobonina
Ilay iray minitra hitiavako anao.

Te ho eny aminao eny aho
Te mba ho fihininao
Aza avela irery eto aho
Fa te mba ho namanao.

Ilay tsikitsiky fanaonao iny
Azo sary an-tsaina rehefa iny aho mangingina
Tsy indray tsy indroa f’efa maro tokoa
Ilay bitsika milaza ao am-po.

Misy nofy, misy vetso, aingam-panahy
Misy hery iray toa maloka ahy
Mitombo isan’andro tsy mety miato.
Mameno fo zato isan-jato

Te ho eny aminao eny aho
Te mba ho fihininao
Aza avela irery eto aho
Fa te mba ho namanao
--------