Palestina blues (Rossy)

(Nalaina tao amin'ny tononkira.serasera.org)
Tsy nino ny saina raha tsy efa nahatazana
Fa misy olo-miaina tsy manan-tanindrazana
Miaina anaty lay, fiainana an'anjoanjo
Izay tany misy ahy, voazaran'ny voanjo
Ny tena kere tsy afaka haninona
Toa vahoaka be ny any Palestina.

Toa alika romotra mandramatra i Begin
Mandriaka ny rà, miady anie ny ady
Zaza amam-behivavy tao Shatila
Ankizy sy tanora tao Sabra
Mangina i Sadat, manameloka am-bava
Ny Firenena Mikambana toa tsy hanova inona
Toa vahoaka be ny any Palestina

Hira ity ka hira, izaho tsy mpahay politika
Tsy te-hahalala Israely na koa Amerika
Fa ny hany fantatro dia zo ny miaina
Tsy rariny, tsy hitsiny ny manao vono-moka
Tsy rariny raha misy aina tsy hanana n'inon'inona
Omeo tanindrazana ny Palestina.
--------
Rohy:
Hametraka hevitra
Midira aloha
Momba ny hira
Mpihira : Rossy
Vangy : 737
Mpankafy : 0 Ankafizo
Nampiditra : ikalamako
Daty : 09/08/2020 14:35
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0635