IANAO (ROLF)

(Nalaina tao amin'ny tononkira.serasera.org)
IANAO

Ianao irery no nofidiako
Raha tsy misy anao aho dia ho very
Ianao no nahasitrana ny foko
Any an-kafa aho tsy hijery
Ny fitiavako anao mahery
Tsy hisy handresy na hamaky
Izaho anie tsy hoe manery
Tsy mampihorohoro, mampatahotra, tsy mitaky

Tsy irery intsony aho
Tsy malahelo intsony aho
Tsy ho very intsony aho
Tsy ho trotraka intsony aho

Ref :
Satria ianao irery no nofidiako
Ianao irery no nofidiako re rahavako

Efa ho avy izao ilay andro
Hiainako eto akaikinao
Ny hasambaranao no tanjoko
Ny tsikinao no herin’ny aiko
Aza matahotahotra (mmh ! aza matahotahotra !)
Izaho anie tsy hamela anao
Raha sendra misy rivodrivotra (rivotra, rivotra, rivotra !)
Izaho handrakotra anao

Tsy irery intsony ianao
Tsy malahelo intsony ianao
Tsy ho very intsony ianao
Tsy ho trotraka intsony ianao

Ref :
--------
Rohy: https://tononkira.serasera.org/hira/rolf/ianao-7
Hametraka hevitra
Midira aloha
Momba ny hira
Mpihira : ROLF
Vangy : 3323
Mpankafy : 0 Ankafizo
Nampiditra : Prisca
Daty : 03/12/2003 04:53
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.1762