Miandry anao (Rija Rasolondraibe)

(Nalaina tao amin'ny tononkira.serasera.org)
Raha handeha ihany ianao
Raha sitrakao
Aza tena ilaozana tanteraka aho
Fa izaho hatrizay tsy mahay
Tsy zatra ilaozanao

Tsy hisakana izay mba fanirianao anie aho
Tsy hanimba izay mba tena tianao
Fa ny hasambaranao no tadiavina
Raha tsy misy ato an-trano
Dia tsara tso-drano

Nefa amelao sombiny amin’ny fitiavanao
Mba amelao na izay sisa tsy zakanao
Mba amelao na ho mpinamana tsotra izao
Raha handeha ihany ianao

Raha toa manembona ianao
Na koa mahatsiaro izay niarahana taloha
Ka matahotra na menatra ny hiverin-dàlana
Fantaro
Fa tsy hisakana izay mba fanirianao anie aho
Tsy hanimba izay mba tena tianao
Fa ny hasambaranao no tadiavina
Raha tsy misy ato an-trano
Dia tsara tso-drano

Fa miandry anao
Miandry anao foana ny toeranao
Miandry anao
Ireo izay efa nilaozanao
Miandry anao
Ny tia sy fitia
--------
Rohy:
Hametraka hevitra
Midira aloha
Momba ny hira
Mpihira : Rija Rasolondraibe
Vangy : 5498
Mpankafy : 0 Ankafizo
Nampiditra : ari.malala
Daty : 23/09/2008 16:48
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1366