Rahoviana re (Rambao)

(Nalaina tao amin'ny tononkira.serasera.org)
Manjombon-dava re
Toa maizim-pito ny andro ety
Tsy hita intsony izay aleha
Fa dify teo, nisinda ilay fitia
Fa toa ny vao omaly
Ireo toky natolony
Izahay niara-nifaly
Saingy fitia an-tendro-molony

Rahoviana angaha no mety hanadinoiko
Ireo tantara saika tsy vonoiko
Rahoviana re
Rahoviana indray vao mety hisy hafaliana
Tambitamby akaikin’olon-tiana
Rahoviana re

Izay sahady ve
Ilay voninkazo vao namony
Lazao azy fa izy hono hoe
Mahatsiaro foana sy malahelo am-po
Mangina lava ny eto
Tsy misy mpahalala
Tomany vonton-tsento
Hankaiza moa,
Nilaozan’i malala

Rahoviana angaha no mety ho foana avokoa
Ireo akom-pahatsiarovanay taloha
Rahoviana re
Rahoviana indray vao mety hisy hazavana
Hifaliako indray ao antanana
Rahoviana re

Iantsoako tody ve
Nefa aiza moa ny farany
Tolory fanafody aho e
Tsy hahatsiaro, soloy ny anarako
Efa natolotro azy
Izao tontolo rehetra izao
Mahery noho ny sazy
Ny fijaliana niafiako hatramizao

Rahoviana angaha no mety hanadinoiko
Ireo tantara saika tsy vonoiko
Rahoviana re
Rahoviana indray vao mety hisy hafaliana
Tambitamby akaikin’olontiana
Rahoviana re
--------
Rohy:
Hametraka hevitra
Midira aloha
Momba ny hira
Mpihira : Rambao
Vangy : 7224
Mpankafy : 0 Ankafizo
Nampiditra : ikalamako
Daty : 01/04/2015 22:49
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0681