HAZO FIJALIANA (Rambao)

(Nalaina tao amin'ny tononkira.serasera.org)
Mangeja loatra ny ziogan’ny ankaso
Mila hamono hanakenda mandatsa-dranomaso
Enta-mavesatra no mbola ho zakaiko
Mba hatataovy kely ange fa reraka ny aiko
O! nankaiza ianao ry vintako ô!
Moa ve dia nandao
Ry fijaliana ô ! aza hitako
Matesa any hianao
ÔÔÔ! mampitomany
’Zany fiainan’an-tany

Toa very lalan’aho kanefa be adidy
Rahoviana ihany no ho foana ’ty kapoaka mangidy
Toa sambo rendrik’aho ka diso fitobiana
Esory amiko ry Ray ô ’ty hazo fijaliana
O!toa tany karakaina ho’aho
’Zao misy ahy izao
Moa ve hijaly ’zany saina
Ry lanitr’ô ambarao
ÔÔÔ ry tany
Aza mampitomany

Mavesa-danja re ’zany entako izany
Mba ampindramo tanana aho eh fa honerako ihany
Nanandran’aho ny mba hanao dia mianoatra
Nefa tandindona no teo dia ny lalan’any ankoatra
O!mba zovy loatra ho’aho ry lahy no hafaka hanala
Hanal’ahy tsy amin’ahiahy
Ami’ty rano mamanala
O!ry sompatr’ô nahoana
No dia mandrava laka foana
--------
Rohy:
Hametraka hevitra
Midira aloha
Momba ny hira
Mpihira : Rambao
Vangy : 5750
Mpankafy : 1 Ankafizo
Nampiditra :
Daty : 10/07/2002 10:27
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.072