Afenina (Poopy)

(Nalaina tao amin'ny tononkira.serasera.org)
Raha handeha ianao izao
Ka ilaozanao eto aho
Raha avelanao irery
Dia hangina aho tsy hiteny
Ka ny ho avy hatrehiko
Raha tsy ho eo intsony ianao
Ambom-po no asehoko
Amin’izay tsy ho fantatrao
Tsy hitamby aminao
Na mangidy aza izany
Mainka mantsy ho fantatrao
Ka izaho tsy hitomany
Ka ny hoaviko eny indrisy
Efa nopotehinao
Ho saronako ilay tsiky
Amin’izay tsy ho fantatrao

Tsy hataoko ho fantatrao
Ny ratra am-poko ao
Sao araraotinao hampijaliana ahy indray
Hataoko ho toy ny hoe
Tsy tiako intsony ianao
Hiala aminao aho sy hanadino anao

Raha ho faty ny fitia
Ka handainga ny masonao
Hamitaka ahy ny fonao
Ho an’olon-kafa indray
Amin’izay ny hoaviko
Mety ho maizina amiko
Nefa hitsiky ihany aho
Amin’izay tsy ho fantatrao.
--------
Rohy:
Hametraka hevitra
Midira aloha
Momba ny hira
Mpihira : Poopy
Vangy : 11128
Mpankafy : 0 Ankafizo
Nampiditra :
Daty : 05/10/2002 10:04
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0283