Midina Avia (Ny Ventso)

1. Na maro sakana na maro fandrika,
Hijanona hanantena foana aho.
Iny lanitra iny no hitsinjovako
Ilay hazavana avy Aminao.
Tsy ho ela intsony anie ilay andro iray
Efa elabe niandrasanay.

Midina avia Rainay o!
Tolory tanana aho fa zanakao;
Vohay ity fatoranay.
O avia, miandry Anao 'zahay.

2. Tsy ho ela intsony anie ity làlanay,
Mpamonjy ô mba mijere ahy.
Na mafy sy mafaitra no hisedrana anay,
Ampaherezo ny fanahy.
Mino aho fa mby am-baravarana ao
Ilay famonjenao, famonjenao ahy.
Dia ho foana hatr'eo ireo sento sy tomany;
Ka ho sambatra aho an-danitra any.

Midina avia Rainay o!
Tolory tanana aho fa zanakao;
Vohay ity fatoranay.
O avia, miandry Anao 'zahay.
--------