You are here: home > Tononkira > Ny Mpitory

FINOANA FANANTENANA FITIAVANA (Ny Mpitory)

Fantatrao aho Jeso
Fa tsy mba manana finoana
Tsy toa ny voatsinampy akory
Tsy ny am-pahafolony aza
Anefa anie mba te hitory
Te-hanetry ny havoana
Hanainga lohasaha
Toa nofinofin-jaza

Fantatro ihany anie
Fa ny fitantanao
No toky hanana finoana
Sy ahafahana mijoro
Sy hahazoana koa manefa
Izay kasaina mba hatao
Tohano Jeso ny finoako
Mba tsy hikoro

Fantatrao aho Jeso
Fa tsy haiko izany manantena
Izay rehetra andrandraina
Ahiana ndrao ka tsy ho anjara
Ny faniriana mifangaro
Tebiteby tsy hay fefena
Sanganehana
Toa zaza voarara

Fatononkira.serasera.orgntatro ihany fantatro ihany anie
Fa ny miaraka aminao
Hahaiza-manantena hatrany
Sy hahaizana mitony
Rehefa injay ka mila ho kivy
Na sembanim-panahiana
Tantano aho fa tsy hiala Aminao intsony

Fantatrao aho Jeso
Fa manana fitia tokoa
Fitia manalasala
Nefa mikendry tombontsoa hatrany
Fitia volena tsy terena
Hanotofana longo
Tsy toa ny zaza tia
Tsy mahalala izany

Fantatro ihany fantatro ihany anie
Fa ny fitia tsy mila setry
No hany mendrika hanjaka
Hibahan-toerana ao am-poko
Raha sitrakao Jeso
Ny hambom-poko re hahetry
Soloy fitia tsy mila tamby
Tsy miova loko.

Mpihira : Ny Mpitory
Mpamaky : 4420
Mpakafy : 0 Ankafizo
Nampidirin'i : rakotorado
Tamin'ny : 27/10/2006 11:01:36
ID : 3978

Tondrom-peo

Hampiditra tondrompeo