Vol2. ANJARAKO (Ny Antsa Fitiavana)

Reférence :
(Sal 73:25-28)
“Fa na dia levona aza ny nofoko sy ny foko, dia mbola vatolampin’ny foko sy anjarako mandrakizay Andriamanitra.”

--------------------------------------------------------------------

1. Ny sentom-poko injao tsy mety hangina
Itarainako Aminao : ampahoriana
Mitady aharombaka ahy ny hakiviana
Manonja anie ity ranobe
Ka mba toneo


2. Efa nalaim-panahy hanontany rahoviana ?
Sa lasan’ny hafa avokoa ireo fitahiana
No feranao handalo izay fifaliana
Tsy fantatro fa hiandry aho
Hatoky Anao


MANANTENA AHO TOMPO O ! FA IANAO NO ARO SY HERY
IANAO HANORINA FANJAKANA MAHARITRA, RAHATRIZAY
KA NA HO LEVONA NY NOFOKO SY FOKO
HO VATOLAMPIKO SY ANJARAKO
IANAO MANDRAKIZAY


3. Ny zoky zandriko, sy ireo nihaviana
Mandà, mahavaky fo, sahy manakiana
Hoe angano sy tantara ny Aminao Jesoa
O! mba iantrao, dia iasao
Hanaiky Anao

MANANTENA AHO TOMPO O ! FA IANAO NO ARO SY HERY
IANAO HANORINA FANJAKANA MAHARITRA, RAHATRIZAY
KA NA HO LEVONA NY NOFOKO SY FOKO
HO VATOLAMPIKO SY ANJARAKO
IANAO MANDRAKIZAY

CANON :

Fa Hianao hianao
No mbola antenaiko
Maharitra rahatrizay ouh! ouh!
Ka na ho levona sy tsy ho hita intsony ny nofoko
Eny Hianao hianao
Satria Hianao no anjarako
Hiandry aho, ho Anao mandrakizay

Tonony sy Feony : RAKOTONANAHARY Fanomezantsoa Haritiana
(oct 2005)
--------
Rohy: https://tononkira.serasera.org/hira/ny-antsa-fitiavana/vol2-anjarako
Hametraka hevitra
Midira aloha
Momba ny hira
Mpihira : Ny Antsa Fitiavana
Vangy : 1883
Mpankafy : 0 Ankafizo
Nampiditra : malilatiana
Daty : 02/04/2009 11:18
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.0656