TONGA SAINA (Njila)

Tonga saina ianao androany
Fa hanary ny fitiavako
Tsy namaly anao aho
Fa naleoko niala mora
Efa fantatro hatry ny ela
Fa tsy natao ahy ianao
Koa mangina sisa no azoko atao

Mbola tsy ampy anao foana
Ny toloko sy ranomaso

Angamba mbola zaza ianao
Ka toa tsy tonga saina
Mbola tsy ampy anao foana
Ny toloko sy ranomaso
Nalatsako noho ny ditranao

Tsy hitana anao aho androany
Mandehana aloha
Omeko tso-drano ianao
Ka mahità ny soa
Inoako anefa fa mbola misy antenaina
Indray androany ianao
Mbola ho tonga saina

Mbola tsy ampy anao foana
Ny toloko sy ranomaso
Nalatsako noho ny ditranao
Mbola tsy ampy anao foana
Ireo nafoiko rehetra noho ianao
Angamba mbola zaza ianao
Ka toa tsy tonga saina (2 fois)

                                  NJILA
--------