Dia veloma ikaky sy ineny (Naka Rabemanantsoa)

(Nalaina tao amin'ny tononkira.serasera.org)
Dia veloma Ikaky sy Ineny,
Hanaovako azy veloma
Hodiana raha tsy tamàna,
Ho vangiana raha malahelo,
Ry voninahitry ny zanany
Sy kiadinay tsy mba manana,
Matesa anie aho ray retsy
Tafitohim-bato nafenin'ahitra
Latsa-dranomaso any an-tanin'olona.

Tambazako izay mahafoy
Raha tsy ditra no hialana,
Eny, singam-bolo tsy mahafehy faty,
Ranomaso tsy mahatana aina,
Tiavo indrindra re ny ray aman-dreny!

Velomy imaso ny ray aman-dreny
Ka mba tsarovy re ny soa nataony
Horirika an-tany mando ny ray
Ketsa an-doharano ny reny,
Maitso hariva, tomaratara-maraina,
Mavomavo hariva ary fotsy maraina,
Tiavo indrindra ny ray aman-dreny.


(nalaina avy amin'ny Anganon'ny Ntaolo)
--------
Rohy:
Hametraka hevitra
Midira aloha
Momba ny hira
Mpihira : Naka Rabemanantsoa
Vangy : 1892
Mpankafy : 0 Ankafizo
Nampiditra : ikalamako
Daty : 22/09/2018 19:07
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.2518