TSIARO SASAKALIMBE (Mamy Robinson)

TSIARO SASAKALIMBE


Injao mitolona ahy amin'ny sasakalimbe
Lay fahatsiarovana anao ilay nandeha
Nanalavitra ahy tsy anilako eo
Namela ahy sy ity foko hitoreo

Fahatsiarovana re mitalaho an-tsaiko ao
Toa toy ilay feonao malefaka iny
Mibitsika ny fo  hoe tia
Tena tia ô tena tia !

              Saingy ianao lasa  lavitra ahy
             Ny tsiahy anao toa maka fanahy
             Maneloelo an-doha, mandratra ny ao am-po
             Tsy mampitony ahy amin'ny sasakalina

Zay rehatra natao njao mihelina ao an-tsaiko ao
Ireo tsiahy anao mitolona ahy
Mbola mitempo anao tokoa ny Fo
Nefa handeha ho aiza moa

             (Fa)(Saingy) ianao lasa  lavitra ahy
             Ny tsiahy anao toa maka fanahy
             Maneloelo an-doha, mandratra ny ao am-po
             Tsy mampitony ahy amin'ny sasakalina
    
Fahatsiarovana mamoha misasakalimbe
Ny fo torovana, ny tsiahy manery
Mahatsiaro anao lasa nandeha
Amin'ny sasakalimbe
       Tsiaro Sasakalimbe !!!!!!!!

    _Mamy ROBINSON_(19/09/2017)
--------