Tsy misy ny doria (Mahaleo)

Hiara-hiaina ny andro androany
Ho toy ny andro farany
Hiara-higoka izay mety ho mamy
Mandram-pahalefy ny tarany

Ny maso hikipy tsy hahita
Ho tapitra ny fofon’ aina
Ho hanenenana izay tsy vita
Fa any ankoatra tsy ho ilaina

Satria ny vintana sy anjara
no mamaritra ny dia
rahampitso ny lalantsika mety hizara
satria tsy misy ny ho doria

Satria ny vintana sy lahatra
Mety hamingana ny dia
Ny ho avy tsy voatery ho tonga lafatra
satria tsy misy ny doria

Ny ampitso fanontaniana
Mety ho vatana mangatsiaka
Andeha higoka izay mety ho tiana
Dieny masoandro mibaliaka

Isaky ny andro izay mifoha
Mety ho farany io fa tadidio
Ataovy ho andro feno soa
Ho fahataperana ny anio

Satria ny vintana sy anjara
No mamaritra ny dia
Rahampitso ny lalantsika mety hizara
Satria tsy misy ny doria

Satria ny vintana sy lahatra
Mety hamingana ny dia
Ny ho avy tsy voatery ho tonga lafatra
satria tsy misy ny doria
--------