Mosary sy Lagaly (Mahaleo)

Mifampitantana toa mpifankatia
Tsy hisaraka ho doria ny mosary sy lagaly e! e! e!

Iaraha-mahalala fa mamely ny lagaly
Nefa toa tsy taitra ianao fa mbola falifaly

Nalaina ny hafanana tafakatra efapolo
Natahotra RADOKO dia nitsangana ny volo

Aretina mamindra izy io,aretina hafahafa
Tsy hahaizana mamaindra fa mampijafajafa

Tandremo re tandremo sao ianao dia feno
Raha toa ka ratsy fitsaboana dieny izao dia areno

Na mitandrina aza hifindrany ihany
Na maintin’ny arina eo ambodin’ny vilany

Manomboka mangovitra,mangidy be ny vava
Na manasa tanana amin’ny savony manitra sy nanasa tava

Raha nahita anay omaly izy nilaza fa narary
Nindrana ariary folo hividianana tambavy

Lasa tany an-tsena izy hizaha ravin-kazo
Ilay tambavy mahagaga mampiafana tazo

Nisamboaravoara ny lehiben’ny fokontany
Ny lehiben’ny fivondronana tsy te-hahalala an’izany

Fa ny "PETROLE" hono mety fanafody
Nefa ts’isy n’aiza n’aiza ka naleony nody,naleony nody

Toa manahirana izany tsy mba manam-bola
Nefa reraka sy tola ka marary ka marary e! e! e!

RABEKOTO HONORE AUGUSTIN
--------