Miangavy (Lola (lahy))

Lay fotoana kely niarahantsika roa
Hita fa samy naka fy tokoa
Fankan-drivotra fohy nandalovanao
Izaho tsy nahafoy ianao nandao
Taty ambanivohitra aho f’ianao antanandehibe
Toa zary nifanohitra ilay fitia no zava-dehibe
Ianao no namonjy fodiana f’izaho no toa farariana
Tsy zakako tokoa marary ny an-doha

Miangavy mitalaho aminao aza ariana
Tsarovy fa misy olona iray tsy manadino
Raha izaho manokana
Dia mbola tokana
Ny ato am-poko, ny ato an-tsaiko
Ianao no lalaiko.

Ireny teny mamy nifanaovana
Mahatsiaro irery aho fa nilaozana
Tsy andriko ny andro izay hihaonana indray
Hikajy mafy aho fa efa fay
Ny elanelan-tany tsy zovina intsony
F’ilay fitia ihany amintsika no ambony
Ianao moa efa fantatra fa mbola mianatra
Tsy maintsy izaho ihany no miakatra.
--------