Ranenitoa (Ifanihy)

Ranenitoa
Ranenitoa o, miangavy an-tanan-droa
Aok’isika hiandahy hiambavy
F’aza ilaozanareo mamosavy
Hohatevenina ny fiambenana
Hanjakan’ny fandriam-pahalemana
Hianareo no sisa andrasana
K’aza ilaozana manitsa-pasana
Dia ho hatao haza lambo
Ireo mpangalatra loza amin’atambo
Hiambozony, sakeleo
Ireo odigasinareo

Ranenitoa o, ka raha tonga ny tokoa tokoa
Ka hanafika ireo jiolahy
Izao no paika fa aza manahy
Ho ampirimina aloha ny kiriorioka
Vorondolo no asaina misioka
Ireo kary sy ireo saka
No ampiadiana atsy anaty fataka
Feo kentsona ombieny
Ombam-parahehy lavareny
No hitsenana azy voalohany
Fa hiorina ny hodi-dohany

Ranenitoa o, ka raha mbola miseho ho mafy loha
Dia anaovy kilalao ratsy
Mody ataovy toy ny olona efa maty
Ampandrio amin’ny tany ampandrio
Hiankohofy, hitomanio
Eo an-tratrany amin’izany
Mody asio voninkazo vinany
Rehefa sasak’alim-be
Dia mody hisotrona kafe
Rehefa voky isika, rehefa laony
Dia ventesina ny zafindraony

Ranenitoa o, na dia izany aza mail ihany aloha
Izay rehetra any am-paosiny esory
Ndrao manafina voanjobory
Na penitra na lampe de poche i
Na fonoka na big boss i
Azafady esoriny eny aminy
Raha tsy izany dia asavo hohaniny
Raha mitady ny hamaly
Taingeno ataovy soavaly
Hilokana aloha, inona no olana
Mba manao PMU maizim-bolana
--------