Ibetombo sy Iklina (Ifanihy)

Indray andro ity Ibetombo, Ibetombo sy ny saretiny
Nikarama hitady rano ka nandalo rano miandrona
K’ity nisy lambaony manirery etsy imorony
Fa iza no nandro teto, hoy ny fanontaniany

Nalainy ilay lambaoany dia roso indray ny sarety
Nizaha tokantrano maro, nandona isam-baravarana
Azovy no very lamba, mitenena fa hitako
Azovy no very lamba, mitenena fa hitako

Dia indro niseho viavy bako sy malandy
Voamena nanaiki-molotra, nangala ity lambaoany
Nivandravandran’ny soratra manao hoe
Homba anao anie aho raondriana
Raha ohatrohatra tsy miova
Toy ito lambaoany ny fitiavanao

Tanteraka ara-bakiteny lay soratra an-dambaoany
Nangataka an’Ikilina, Ibetombo, ho andefimandriny
Nantsoina avokoa ny masina, dia namaly ny masina
Natao hiaro azy Ibetombo hozy, ka sedrao izy ka sedrao

Nasaina namory aomby, izay hozy ny masina
Dia roso ary ilay mahery nasesiky ny fitiavana
Nirotsaka tan-kijana nefa tsy lasan-davitra
Indrisy mbola mpanavao nifanena tamin’ireo zandary

Nanenjan-tsalaka sy nanao angoan-tenda hoe
Izay mahasaky manatòna, Ikilina e, vonjeo Ikilina
Vonjeo aho fa aondrany amin’ny tomobilina
Ny masoandro sisa nahita aza nanepoka tsimoramora
Tambadiky ny bonga fara-tazamaso
Eny mantsy rey vahoaka, toa montsa ilay fanambadiana
Voafonja tany ho any ilay ranamana.
--------