Haleloia ! voninahitra (Henri Ratsimbazafy)

Nangina sady tony tamizay,
ny manan’aina nandry fehizay.
Injany feon’anjely marobe
mikalo hira mifamaly hoe :

Ref.
Haleloia, Haleloia
ny voninahitra ho an’Andriamanitra
Haleloia, Haleloia
fa fiadanana ho an’ny olona ankasitrahana

Mpiandry ondry no hany mba nandre
’lay filazana fifaliam-be

Isika koa dia faly ravo ery
fa mankalaza ny andron’ny Mesia
koa hiran-danitra no ’ndeha ingao
ho fiderana ilay mpamonjy anao.



Henri RATSIMBAZAFY
1988
--------