Mba saino (Feon'Kalvary)

Mba saino anie, mba saino anie izany dianao
Izay miainga ho any amin’ny lanitra ambony any
Haniditsidina hitety any ambony tsy takatra antso
Ka tsy hiverina  tsy hidina an-tany intsony

Rahoviana re, rahoviana no ho tonga izany
Ka handaozana ity tany izay feno tomany
Fifaliana ho aho, hasambarana tsisy ohatr’izany
Raha izaho sy ianao izao , no ho any, mba ho tonga any

Ny Ray anie i Jesosy no hitantana anao
Sy hanoro ireo zava-boary tsy mbola hita tety
Dia ho gaga ianao fa ho hita any koa ireo namana
Sy ireo olona tsy voapetin’ny otan’ny tany

Rahoviana re, rahoviana no ho tonga izany
Ka handaozana ity tany izay feno tomany
Fifaliana ho aho, hasambarana tsisy ohatr’izany
Raha izaho sy ianao izao , no ho any, mba ho tonga any


Mba saino  (A.C Andrianavalona Hobisoa)
--------